प्रहरी कार्यालय
जेठ १९,प्युठान जिल्लाको ऐरावती गाँउपालिकाबाट प्रहरीले २ नाल लाईसेन्स नभएको भरुवा बन्दुक सहित २ जना मानिस नियन्त्रणमा लिएको छ। विेशेष सूचनाका आधारमा प्रहरीले मिति २०७९।०२।१९ गते २३:०० बजेको समयमा प्रहरीले ऐरावती गाँउपालिका वडा नं. १ अमिली बस्ने वर्ष ४९ को निम बहादुर घर्ती र वर्ष ५० को दिल बहादुर सारुको घर गोठ खानतलासी गर्दा निजहरुले आ-आफ्नो गोठमा लुकाई छिपाई राखेको अवस्थामा १/१ नाल गरी जम्मा २ नाल भरुवा बन्दुक प्रहरीले बरामद गरी निजहरुलाई नियन्त्रणमा लिई थप अनुसन्धान भई रहेको छ।
बर्दिया, मधुवन नगरपालिका-४ मख्खन चोकस्थित सडकमा ढोढरीबाट भुरीगाउँतर्फ जादै गरेको लु.६२ प ४७३९ नम्बरको मोटरसाइकल आफै अनियन्त्रित भई बुधबार दिउँसो दुर्घटना हुँदा चालक बासँगढी नगरपालिका-२ मदाहा बस्ने २५ वर्षीय आशिस चौधरीको मृत्यु भएको छ । दुर्घटनामा गम्भीर घाइते भएका उनको स्थानीय मेडिकल हुँदै भेरी अस्पताल नेपालगञ्जमा उपचारको क्रममा मृत्यु भएको हो ।
रुपन्देही, तिलोत्तमा नगरपालिका-५ मणिग्राम प्लटलाईनस्थित मदन भुसालको एमबि ट्रेड्सको अगरबत्ताको धुलो रहेको गोदाममा सोमबार राति आगलागी हुँदा करिब १ सय ५० बोरा अगरबत्तीको धुलो जलेर करिब १० लाख रुपैयाँ बराबरको धनमाल नष्ट भएको छ । यसैगरी रुपन्देही, बुटवल उपमहानगरपालिका-६ ज्योतीनगरस्थित गुप्त बहादुर खत्रीको खत्री प्रकाशन सामग्री छापाखानामा विद्युत सर्ट भई गएराति आगलागी हुँदा छापाखानामा रहेका सामानहरु जलेर करिब २५ लाख रुपैयाँ बराबरको धनमाल नष्ट भएको छ ।
दाङ, ३ जेठ तुलसीपुर उपमहानगरपालिका-१२ स्थित सडकबाट अवैध लागूऔषध ब्राउनसुगर जस्तो देखिने पदार्थ सहित तुलसीपुर उपमहानगरपालिका-६ बस्ने २३ वर्षीय रबिन नेपाली समेत ४ जनालाई सोमबार राति प्रहरीले पक्राउ गरेको छ । रा.५ प ८८६५ नम्बरको मोटरसाइकलमा सवार नेपाली समेत ३ जनालाई ईलाका प्रहरी कार्यालय तुलसीपुरबाट खटिएको प्रहरीले जाँच गर्ने क्रममा करिब ४ सय ४० मिलिग्राम उक्त पदार्थ सहित फेला पारी पक्राउ गरेको हो । थप अनुसन्धानको क्रममा उनीहरुले उक्त पदार्थ सोही उपमहानगरपालिका-६ बस्ने ३४ वर्षीय अम्मर बाल्मिकीसँग ख़रीद गरी ल्याएको खुलेपश्चात बाल्मिकीको कोठामा जाँच गर्दा १ सय ९० मिलिग्राम अवैध लागूऔषध ब्राउनसुगर जस्तो देखिने पदार्थ, सेवन गर्न प्रयोग गरेको प्लेट १ थान र ब्लेड टुक्रा २ थान सहित फेला पारी बाल्मिकीलाई समेत प्रहरीले पक्राउ गरेको हो । यस सम्बन्धमा प्रहरीले थप असुन्धान गरिरहेको छ ।
